Tu'n t-xi q'o'yit xnaq'tzb'il ex tu'n kyxi mojit jni' chuq' xjal, a nchi yolin toj kyyol te Qtanmin te Pa'xil.
Tu'n kykub' b'inchit junjun tumil, tu'n t-xi' kyokli'n jni' wiq yol, tzenku' kyyol Mos, tu'ntzin tb'ant kyyolin jni' qxjalil toj kab'e yol: Tu'n tb'ant kyyolin, tu'n tel kyniky', tu'n tb'ant kyu'jin ex tu'n tb'ant kytz'i'b'in, tu'ntzin tb'ant kyyolin toj oxe yol, (toj qyol, toj kyyol mos ex toj kyyol me'x).
Tu'n kyjatz tz'i'b'it junjun u'jb'il toj qyol, tu'n t-xi q'o'yit amb'il kye' xjal nchi yolin toj qyol, tu'n t-xi q'o'yit jun u'jb'il toj kyq'ob'.
Tu'n kykub' b'inchit junjun u'j te xnaq'tzb'il, tu'n kyex q'o'yit toj Xob'l yol, toj ka'yb'il, toj paqanb'il ex kywutz u'j.
